PROJEKLIGJ "PËR URDHRIN E AGRONOMIT NË REPUBLIKËN E SHQIPËRISË"

Ministria e Bujqësisë dhe Zhvillimit Rural fton qytetarët, ekspertët e fushës, shoqatat profesionale dhe çdo palë të interesuar të kontribuojnë në procesin e konsultimit publik të projektligjit “Për Urdhrin e Agronomit në Republikën e Shqipërisë”.

Ky projektligj synon krijimin e një kuadri të posaçëm ligjor për rregullimin, organizimin dhe mbikëqyrjen e ushtrimit të profesionit të agronomit në vend, nëpërmjet ngritjes dhe funksionimit të Urdhrit të Agronomit si ent publik vetërregullues. Projektligji përcakton kushtet dhe kriteret për ushtrimin e profesionit, detyrimet profesionale, standardet etike dhe organizimin institucional të urdhrit, me qëllim garantimin e cilësisë së shërbimeve agronomike dhe mbrojtjen e interesit publik.