projektligji “Për informacionin elektronik të transportit të mallrave”

Miratimi i këtij projektligji ka për qëllim krijimin e kuadrit ligjor për përdorimin dhe pranimin e informacionit elektronik të transportit të mallrave (eFTI) në Republikën e Shqipërisë, në përputhje me Rregulloren (BE) 2020/1056 të Parlamentit Evropian dhe të Këshillit të datës 15 korrik 2020, “Për informacionin elektronik të transportit të mallrave”. Projektligji synon të përcaktojë rregullat, kërkesat dhe procedurat për aksesin e autorizuar dhe konfidencialitetin e informacionit elektronik të transportit të mallrave nga autoritetet kompetente, me qëllim digjitalizimin e proceseve të transportit dhe logjistikës.