Draft manuali për hartimin e legjislacionit

Draft manuali për hartimin e legjislacionit Ministria e Drejtësisë, në bashkëpunim me misionin e asistencës teknike EURALIUS V, ka ndërmarrë nismën për draftimin e manualit të hartimit të legjislacionit, botimi i tretë, duke synuar konceptimin e një instrumenti praktik që mund të përdoret për të garantuar qartësinë dhe kuptueshmërinë e legjislacionit në Republikën e Shqipërisë.  Përvoja e fituar në Ministrinë e Drejtësisë gjatë shqyrtimit dhe vlerësimit të legjislacionit, në përputhje me fushën e përgjegjësisë së saj, ka shërbyer si bazë për zbërthimin dhe parashtrimin e rekomandimeve të reja për hartimin e legjislacionit parësor dhe dytësor, si dhe thjeshtëzimin e rekomandimeve që gjenden aktualisht në manual, nëpërmjet ilustrimit të kërkesave ligjore dhe formale për hartimin e legjislacionit me shembujt përkatës. Po kështu, për hartimin e këtij manuali janë marrë në konsideratë botimet akademike në fushën e teknikës legjislative, manualet e ngjashme të teknikës legjislative që përdoren në vendet e Bashkimit Evropian, kryesisht modeli gjerman, si dhe eksperienca e ministrive të linjës dhe të komisioneve parlamentare të Kuvendit në prodhimin dhe vlerësimin e legjislacionit, duke synuar transmetimin e përvojës kolektive dhe praktikës më të mirë të mundshme pranë zyrtarëve publikë dhe institucioneve që janë të përfshirë në veprimtaritë legjislative të vendit. 10/6/2021 2:58:48 PM10/6/2021 2:58:48 PM